Heimanám

Afhverju er þetta svona hér þegar aðrar þjóðir eru að breyta þessu hjá sér.  Ég og sonur minn eyðum töluverðum tíma um hverja helgi að læra heimanámið hjá honum.  Þetta er svo sem ágætt og gaman að þessu en það vottar fyrir smá leiðindum þegar ílla gengur.  Hann hefur auðvitað alla vikuna til að klára verkefnin en afhverju að geyma það.  Alla virka daga er eitthvað prógramm í gangi sem gefur ekki mikinn tíma til að læra, mestalagi að lesa sem hann gerir á hverjum degi.  Hann er í 4 bekk og mér finnst þetta ætti að klárast í skólanum. 

Aðrar þjóðir eru að breyta þessu hjá sér þannig að heimanám klárast skólanum og börn eiga frí um helgar eins allir aðrir.  Eina sem þau eiga að gera heima að mínu mati er lestur og undirbúningur undir próf. 

Guðmundur

Athugasemdir

[Ólafur Tryggvason, 30.3.2008 kl. 23:29]

Ég er algjörlega sammála þessum hugmyndum - af hverju ættu börnin að vera upplögð fyrir heimalærdóm seinnipart dags og á kvöldin þegar þreytan er að hellast yfir þau þegar þau eru mörg hver búin að vera atast allan daginn og svo jafnvel búin að fara á æfingu í íþróttum.

Heimalærdómur sem krefst stöðugrar æfingar eins og lestur á að sjálfsögðu að fara fram áfram á heimilinu þar sem börnin lesa fyrir foreldra sína og held ég að þar hafi báðir aðilar gott af.

Í ljósi umræðu kennara um hærri laun held ég að þetta ætti að skoðast.